Abilitacion & DCL
Abilitacion
Sètz ensenhaire titulari o estagiari de l'Educacion nacionala e desiratz :
- Dinamizar vòstra carrièra
- Ensenhar l'occitan sense abandonar vòstra matèria originala
- Ensenhar una DNL (Disciplina Non Lingüistica) en occitan
Lo Collègi vos propausa de vos preparar a l'abilitacion d'occitan qu'es una certificacion de l'Educacion nationala.
Per mai d'informacions sus l'ensenhament de l'occitan al dintre de l'Educacion nationala, podètz consultar la circulària del ministèri.
Nos contactar per mai d'entresenhas
DCL
Gràcias a sos ensenhaires d'experiéncia de l'Educacion nacionala, lo Collègi vos prepausa una preparacion de qualitat al Diplòma de Competéncia en Lenga Regionala (DCL-R), enregistrada al Registre Especific jol numèro RS5464 (data d'escasença d'enregistrament : 17-06-2026). Lo Repertòri Especific del DCLR es consultable sul ligam. Lo DCL es un diplòma nacional professional que s'inscriu dins la demarcha qualitat Eduform.
Lo DCL es un diplòma nacional professional inscrich a l'inventari de la CNPC (Comission Nacionala de Certificacion Professionala) e sus la lista nacionala interprofessionala. S'adreça als adultes salariats, demandaires d'emplec, estagiaris de la formacion professionala, estudiants e particulars.
Atèsta las competéncias aquesidas en lenga de comunicacion usuala e professionala comunas a l'ensemble dels sectors d'activitat economica. Trabalha e evalua las 5 competéncias lengatgièras :
- compreension escrita e orala
- expression escrita e orala en interaccion e de contunh
Per mai d'informacion pertocant lo referencial d'activitat, de competéncia e d'evaluacion ; clicatz aicí.
Lo DCL es desliurat per l'Educacion nacionala e concernís en tot 13 lengas vivas. Certifica lo nivèl de lenga del candidat sus una escala anant del nivèl A2 al nivèl C1. Es apreciat per son seriós e reconegut e pels emplegaires.
Las sessions se tenon a la fin del mes de mai. Las inscripcions son obèrtas de la fin d'octobre a la debuta d'abril. Vos covidam a vos assabentar dirèctament sul sit del ministèri de l'Educacion nacionala.
La reconeissença del DCL pels organismes nacionals aital coma per las Regions obrís dreit al finançament de la formacion aital coma al de l'inscripcion (nos contactar : contacte@collegioccitania.com).
Podètz consultar lo site de l'Educacion nacionala o a nos contactar per mai d'entresenhas.